حبيبي لاتـظن إنــي عــلى بعدك أنــا ماأقدر

أنـا أقدر أشيل أسمك وأنسى حتى عنوانـك

أنـــا ماأذلهـا نفسي عـــلى حـــب غدا أغبر

حــبيبي روح أتـسلى وجـمـع كـــــل أحزانـك

أنــا مـــاهمني كــبرك تـرى ربي هــو الأكبر

سـبحان الــذي سواك وخلى الكــــبر بأمتانـك

عــــلى فكرة ترى حبك" زجاج" طاح وتكسر

و لايـتـصـلح الـمكسور ولـو طــالت به أزمـانـك

مـــــــاأبي قعدتنــا تطول دامك شخص تتكبر

أنــا بـك أو بلا حــبك حـبيبي سـهـل نسيانـك

حبيبي أنت ايـش اسمك أنـــا مــــاعاد أتذكر

أنـــا أظن نسيت أسـمك وضـاع حـتى عنوانـك
~~~~~~~~~~~~~~~~~~~~~~~~~~~~~~~
حسافه يـوم حبيتـك . . وخليتـك أعـز إنســـــــــــــان

حسافه بقلبي ضميتك . . وتجازي الحب بالنكـــــــران

قلت مجروح داويتك .. وشربتك وأنـا العطشــــــــان

وسط هالروح داريتك .. وضميتك مـع الشريـــــــان

هديتك أغلا أشواقي .. وهديتني غـدر وأحــــــــزان

طعنتني ألف خنجـر .. وكانـت لدغتـك ثعبـــــــــان

حسافه ضاع تقديري .. معـاك مضيـع العنـــــــــوان

خسرتني وأنا العاشق .. وكل بالهـوى خســـــــران

انا الجاني وأنا المجني .. وأنا اللي بعشرتك غلطان
~~~~~~~~~~~~~~~~~~~~~~~~~~~~~~
أغليك ورب الكون انـا أغـلـيـك *** وحب الغلا ما هو بمثل حب المزوحي

يا غالي دمعات عيني تناجيك *** عــبــايــر مــن فــوق خـدي تـفـوحـي

لك في داخلي من الشوق غاليـك *** ولـك مـنـي حـب صـادق نـصوحـي

صدق النوايـا يـا صاحبي توافيـك *** وبـغـضـها عـن شـخـصـك نـزوحــي

احـمـد الله يــوم انــي مـغـلـيـك *** و احمده يـوم انـي بمحبتـك ربـوحــي

هات لـي هموم دنيتك ومـآسـيـك *** تـرى قـلـبي لـك مشـرّع شـروحـي

لويحترق قلبي وتلهبه شواظـيـك *** صـامـد و باقـي بالصبـر سـلـوحـي

من يـوم لقياك صـادق وشاريـك *** وادعـي الله يكمل درب صحـوحـي

و ادعي الله ان السعاده تـوافـيـك *** وانا دايم لشخصك بالدعا لـحـوحـي

ودي ان السعاده بـيـن حـنـايــاك *** وودي ان شفاهـا بـاسمـك تـبـوحـي

باقي على عهد قطعته و اداريـك *** لـيـن مــا تــروح لـربـهــا روحــي

عاهـدت ربـي اني معك ومـا أخـلـيـك *** واقـلـب هـمّـك و غـمّـك فــروحــي

فاليسر و العسر معك ومخاويـك *** ما تغض العين عـنّـك لـو لـمـوحـي

رهنت العمر معك ولجل عينيـك *** بـس لا تخلني فـي دنيتي سـروحـي

خـلـّك داوني وانا بالمثل أداويـك *** ما لنا غير بعضنا في دنيا شحوحي

شح الوفـا فـي دنيا ناسها تبكيـك *** ذيابه ضاريـه كـأنها وحش جموحي

ماخذ العقل و الفكر و نـاهـيـك *** عن قلب(ن) دايم هايم(ن) بك يسوحي

لو لقلبي لسان ينطق ويحـكـيـك *** تلعثم من غلاتـك واكـتـفـا بالـنـوحـي

ارحم قلب مفاتـيـحـه بأياديــك *** و ارحم قـلـب بمـحـبـتـك ميّت ذبوحـي

ولا تحسب ان الغالي يجافـيـك *** ولا تحسـب فـي يـوم المحـبـه تـروحـي

الحب الصادق الي يحقق امانيك *** يموت صاحبه ويبقى ريحه يـفـوحـي

~~~~~~~~~~~~~~~~~~~~~~~~~~~~~~
 
في غيابك حبيبي مدري وش اسـوي؟
لا طرت علـى أطيافـك وسـرت بـي
من الوله صار فكري يـروح و يجـي
نار الأشواق والغـرام تلاعبـت  بـي
حتى لو أكتـب كـل أبيـات  شعـري
ما يوفـي ألـم أشـواق عبـرت بـي
يـا مهجـة القلـب وغايـة  فـؤادي
بليـاك ريـاح شوقـي غـادرت بـي
بس لا تبكي دموعـك حيـل تحرقنـي
لا حل موعـد رحيلـك تمسكـت بـي
يا غلاتي في كـل أحوالـك  أذكرينـي
أذكري حب و أحاسيس تغلغلـت  بـي
لا تصدق إني بنساك لو زدت في بعادي
أطرد من أفكارك شياطين تشبهت بـي
الوفا طبعي و الإخلاص أبرز  صفاتـي
الخلايق تعرفني و ما بيوم تهاونت بي
 

~~~~~~~~~~~~~~~~~~~~~~~~~~~~~~
حسسنـي انـك تبيني يـا معنينـي
وعيشني بأجمـل اللحظـات واسعدهـا

((قلي احبـك… لـو انـك مـا تدانيـني))
وش تخسر ان قلت كلمه منت قاصدهـا!!

يمكن ما تعنيـك لكـن صـدق ((تعنينـي))
كلماتك اتـذوب فـي قلبـي وارددهـا

وان قلـت احبك..طلبتـك لا تخليـنـي
لأنـك إذا قلتهـا….. بقولـك((عدهـا))

ياحلم ماهـو امتحقـق بـس يكفينـي
انـه بقـا حلـم وعيونـي يـراودهـا

((تدري شسوي..؟اذا مل السهـر عينـي!!!!
آجـمــع بذكرياتك…((وآآتـوسـدهـا))

تعال..وقـف هنـا مابينـي وبيـنـي
خذنـي مـن النـاس قربنـي وبعدهـا

رتـب احساباتـي وقلـب موازيـنـي
واشطـب قناعاتـي اللـي مـا تأيدهـا

بس اسمح لخنجرك تاصـل شرايينـي
اطعونـك اللـي مضـت ((لازم)) اتجددهـا

تعال خلهـا تطـوق جسمـك ايدينـي
ورجع لي الضحكه اللـي كنـت فااااقدهـا

وان كنت ((زعلان))..صـد ولا تحاكينـي
ان كانهـا غلطتـي وآآنـا امتعمدهـا

لك حق تزعل وسو اللـي تبـي فينـي
لكـن تأكـد بـأن ((مـا كنـت)) قاصدهـا

استسمحك عن خطاي وعن خطا اسنيني
وانا اوعدك…..والله اني مـا اتعودهـا

~~~~~~~~~~~~~~~~~~~~~~~~~~~~~~

  
 ـــــــــ(( ناكـــر الجــــود ))ـــــــــ

لك قلــبن قاســــي على الشــــــوك * * يجــــرح حتى السكاكــــين الشـنـيـــــعه
ـــ
تشــوفه كنـــــه طفلــــــن ضحــــــوك * * تلمســه تلــقاه ذيب و أنيــــابه سنيـــنه
ـــ
أهديتـــلك عمـري و ما أطلـــب ردود * * جازيتـــني بالجـــحد والخـــيانه الأليــــمه
ـــ
ليــمتى بتعـــيش يا ناكـر الجـــــــود * * ليـــمــتى بتـــــضل قايــــــــد ع الرذيـــــله
ـــ
علقـتـــني فيك بخــــداع و كــــــذوب * * حســبت أنك مـــلاك ، مـــالك بالخديـــعه
ـــ
أثر أنـك تـمــــــثل علي الـــــــــــذوق * * و أثر قلــــبي ينـــصاع لك و مـالي حيــــله
ـــ
لين أكتشفت قلبك ماهـو بصــــدوق * * طعنـتــني فظــهري و الظلــــمه عتيــــــمه
ـــ
خليتــــني أشــك بأشــــرف القـــوم * * و أنت ساكت تتـفرج و ممتعتـنك الوجيــعه
ـــ
وش طينــــتك و من أيش مخلــــوق * * نفـــسك ما أدركـــت الــــدروب الرحــيــمه
ـــ
أوطيت أقدامك خطوه بخطوه فالـذنوب * * لين لا صار لك عـزيــــز ولا أذنــــن سميـعه
ـــ
وكلـت ربي و ربك وهو عالم بالحقــوق * * ياخـــذ حقي من الي جــعل أيامـي أليـمه
ـــ
و أنت خلك ضايــــع من بين الهـــموم * * تـنــــدم على أفــعالك و حسبــتك القديـمه
ـــ
هـــذا قــــــولي و مـالـي علــــــيه زود * * لا داعي أعــــــيد و أطـــــولها و هي قصيره
~~~~~~~~~~~~~~~~~~~~~~~~~~~~~~~
شفتة بعد غيبـة طويلـة وصديـت
أخـاف بعيونـي يشاهـد صوابـة
كيف أسألة وأقول وشفيك قفيـت
كيف أسألة وأعرف سبايب غيابة
كيف أسألة وأقول هانـت تخليـت
كيف أسألة القى لجرحي إجابـة
ماغيرة اللي فـي غرامـة تبيليـت
ولاغيرة اللي يطرب إذنـي عتابـة
للحين من جرحة وانـا ماتشافيـت
وفي كل يوم الجـرح يكبـر عذابـة
هو مادرى أني لاجل مايضيع ضحيت
ولأجل أكسبة خسرت بعض القرابـة
ليتة يعرف إني ((بفرقاه )) عانيـت
وإن (( الليالي )) في غيابة تشابـة
هموم وأحزان.. ودمـوع وتناهيـت
وفـراق أقشـر ماحسبنـا حسابـة
عامين في نومـي وأنـا ماتهنيـت
أصـارع أمـواج الألـم والكـآبـة
ياليتنـي مـع شارعـه ماتعديـت
ولاشفتة بعينـي ولا الحـظ جابـة
ولاعادها الله جيتـي يـوم مريـت
ولاعادهـا الله وقفتـة عنـد بابـة
~~~~~~~~~~~~~~~~~~~~~~~~~~~~~~

ما وحشتك !؟
يعني ما هزِّك غيابي ؟
مافقدت إنتَ وجودي ؟
ماشعرت بـ " شي ناقص " !!

ما وحشتك !؟
ما طرالك قلبي بلحظة حنين ؟
ما سألت أنفاس قلبك عنِّي / وين ؟
ماذبحك [ الشوق ] وإحساسك ت ب ع ث ر !!

ما وحشتك !؟
ما تأثَّرت بفراقي ؟
ما ( يشتِّتك ) إبتعادي ؟
ماتغيَّر أي شي !!

:
طيِّب إسمع ..
ماجفاك النُّوم بعدي ؟
ما ندم نبضك / علَيّ ؟
ماشعرتــ بـ " إغتراب " !!
ماتحس إنتَ بعذابــ !!

:

يا خسارهــ !!
يعني أفهم
إنِّي أصلاً ما أهمِّك !!

ما وحشتك !؟
~~~~~~~~~~~~~~~~~~~~~~~~~~~~~~~
ممكن احبك واعلن الحب للناس
000 ممكن اقول للناس إنك حبيبي

ممكن مع الايام نبني على ساس
000ممكن مع الايام تصبح نصيبي

ممكن تبادلني شعوري والاحساس
000 ممكن غرامك ينكتب من نصيبــي

ممكن مع الايام تسقيني من كاس
000 كاس المحبة من يد ينك قريبـــــــي

ممكن أشوفك قبل ما يشيب الراس
000 ممكن تطفي قبل موتي لهيبــــــــي

ممكن امل منك يبدد اليـــــــــــاس
000 ممكن تزيل من داخلي كل عيبـــي

ممكن اشوفك قبل ساعات الافلاس
000 ممكن اضمك فوق صدري حبيبي ..

~~~~~~~~~~~~~~~~~~~~~~~~~~~~~~~

 
نزعل ونتكبر وحنا  مـن  الطيـن
والكل منايصـد لااقبـل  خويـه
نفخر نقول انا على الصد  قاويـن
وهـي علينـا فالحقيقـه  قويـة
ننسى نهايتنا وعلى ويـن ماشيـن
وننسى الزمان اللي  جمعنا  سويـه
المشكلة ماهي بحاجـه  لتخميـن
ولاهي يانـاس صعبـه  القضيـة
دق   الـــرقــــم
كيفك00هلافيك00واهلين
اناالخوي اللـي  مزعـل  خويـه
تغيب وصورتـك داخـل العيـن
ويبقى لحبك فـي خفوقـي بقيـه
اخواااااان حنا لويجي بيننـا شيـن
ومانفتـرق دام  المحبـة  نـديـه
خلك قوي لاتحتكرك  الشياطيـن
قبل الفوات وقبـل وقـت المنيـه
هاذي هي الدنيا من الحين للحيـن
لابد بين النـاس تحصـل خطيـه
ومن لايقدر غلطة  احبابه  الحيـن
يقرا حروفـي ويعتبرهـا  هديـه
باااكر تمر سنين وسنيـن وسنيـن
والكل يرحل فالدرووووووب المديه
صدقني تندم واذكر حروفنا  زيـن
تندم على خلك اذاغـاب  ضيـه
دنيا غريبه واكثر النـاس ماشيـن
وكم صاحب والله دفنته  بيديه::""
 

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج